эрүүл мэндээ хамгаалахад эдгээрээс илүү бидний хэрэглэж заншсан хэрэггүй зүйлсээс салах тухай асуудал нэн тэргүүнд тавигдана гэдгийг та анхаарна уу. Түргэн хоолноос татгалзах тухай бодол орж ирж байна уу? Энэ ч бас багтана. За ингээд эрүүл мэндээ хамгаалахын тулд дараахь зүйлсээс ангижрахаас цааргалаарай. 

1.  Хуучин хуванцар савнууд. Хоол хүнс хадгалдаг болон зөөвөрлөдөг сав суулганыхаа цуглуулга руу нэг хараарай. Хатуу, хуваанцар материалаар хийгдсэн, ёроолдоо 7 эсвэл "рс" /поликарбонат/ гэсэн тэмдэглэгээ бүхий савнууд байвал хаяарай. Эдгээр савнууд нь BPA агуулсан сав бөгөөд, хагарч муудсан байвал нэн тэргүүнд хаяхыг мэргэжилтнүүд зөвлөсөн байна. Хэдийгээр шинэ савнууд дээр BPA гэсэн тэмдэглэгээ тавьсан байдаг ч тэр нь олон удаагийн угаалтын явцад арилдаг ба хуванцар савнууд хуучрах тусмаа олон угаалт арчилтын явцад BPA  нь илүү шүлтжиж, нэмэгдэж байдаг ажээ. Мөн хуванцар савыг халаагчинд хийж халаахад түүнд агуулагдах хор хэмжээ нь илүү ихэсдэг учир шилэн сав суулга ашиглахыг зөвлөж байна. 

 2. Агааржуулагч. Хэд хэдэн компаниуд агааржуулагчийн найрлагыг судалж үзээд түүнд агааржуулагчийн /шахдаг, цацдаг гэх мэт бүх төрлийн/анхиулуун үнэрийг удаан хадгалах үүрэг бүхий "фталет" хэмээх химийн бодис их хэмжээгээр агуулагддаг болохыг тогтоосон байна. Энэхүү бодис нь хүний нөхөн үржихүй болон хөгжих үйл явцад маш муугаар нөлөөлдөг бодис юм. Иймээс химийн хортой бодис худалдан авч өөрийгөө хордуулахын оронд тухайн үнэрээ үнэртсэн нь хавьгүй илүү эрүүл мэндэд ашигтай болохыг зөвлөсөн байна.

3. Бактерийн эсрэг саван. АНУ-ын "Хоол хүнс, Мансууруулах бодисын удирдлага"-аас хийсэн 2014 оны тайлангаас харахад, бактерийн эсрэг саван жирийн савангаас илүү бактери устгадаг гэдэг нь бодит биш болох хь тогтоогдсон байна. Мөн бактерийн эсрэг савангийн найрлагад "Триклозан" хэмээх бодис агуулагддаг ба энэ нь амьтны гармоний зохицуулалтыг өөрчилдөг төдийгүй антибиоток эсэргүүцэх зориулалт бүхий химийн элемент болох нь судалгаагаар батлагдсан юм. 

4. Хуучирч, муудсан шүдний сойз. Хэрэв та өглөө оройд тогтмол шүдээ угаадаг бол таны сойзны үс таны бодож байгаагаас илүү муудсан гэдгийг батлаж байна. "АНУ-ын Шүдний Эмч нарын Холбоо"-ны  хэвлэлийн төлөөлөгч хэлэхдээ: "Миний туршлагаас харахад, шинэ сойзоор угааж эхлээд 2 сар болоход л үснүүд нь унаж, салбарч эхлэдэг, тиймээс би өвчтөнүүддээ 2 эсвэл 3 сар болоод шүдний сойзоо сольж байхыг зөвлөдөг" гэжээ. Хуучирсан шүдний сойз шүдийг сайн цэвэрлэх болон цоорлоос хамгаалах үүргээ гүйцтгэж чадахаа байдаг учир таны сойз хэрэглээд 3 ба түүнээс дээш сар болсон бол солихыг зөвлөж байна. 

5.  Өмсдөггүй хувцаснууд. Хувцасны шүүгээгээ нэг үзээрэй. Энэ жил та алийг нь нэг ч удаа өмсөөгүй байна вэ? Ихэнх хүмүүс жин хаясныхаа дараа тарган байхдаа өмсөж байсан хувцаснуудаа, хэзээ нэгэн өдөр жин нэмээд өмсөх ч юм билүү гээд эсвэл, аль дунд сургуульд өмсөж байсан жийнсээ хүртэл хэрэг болно гээд хадгалсаар байдаг. Эдгээр хувцаснуудаа өдөр бүр харах нь сэтгэл санааны таагүй байдалд оруулж улмаар өвчлөх нэг шалтгаан болж байдаг юм байна шүү. Иймд та өмдөггүй хувцаснуудаасаа салж өөрийн сэтгэл санаа болоод хувцасны шүүгээгээ чөлөөлөөрэй. 

6. Хоолны үлдэгдэл. Амархан мууддаг малын гаралтай хоол хүнсийг олон хоног хөргөгчинд хадгалахын оронд хаях нь таны эрүүл мэндэд ашигтай. Хөргөгчинд хадгалсан хоол хүнсний үлдэгдэлд листериа хэмээх бактери үржиж менингит, үр сулбалт цаашлаад үхэлд ч хүргэх аюултай тул хоолны үлдэгдлээ удаан хадгалахгүй байхыг хичээгээрэй. 

7. Удаан хэрэглэсэн сормуусны будаг. Шингэн нүүрний будаг, жишээ нь сормуусны будганд маш их микроб үрждэг болохыг эрдэмтэд судлан гаргасан ба сормуусны будгийг онгойлгосноос хойш 2-3 сар л хэрэглээд сольж байхыг зөвлөсөн байна. Хэрэв та хуучин сормуусны будагаа хэрэглэсээр байгаа бол та сормуусаа будах бүртээ сормуусандаа микроб нааж байгаа гэдгийг санаарай. Мөн та микроб үржсэн сормуусны будгаа нүүр болон сормуусандаа хүргэснээр бактери үлдэж өрөөний температурт өсч үржих таатай нөхцөлийг бий болгодог гэж мөн тодотгосон байна. Сормуусны үүрэг бол нүдрүү ямар нэгэн зүйл, микроб зэрэг орохоос сэргийлэх үүрэгтэй тул микроб үржээгүй сормуусны будаг хэрэглэж байх хэрэгтэйг сануулж байна.

.....Үргэлжлэл бий.